Inaugurasaun Igreja Sao Sebastiao ( BIDAU )

Inaugurasaun Igreja Sao Sebastiao (Bidau)

Tara Bandu

Hodi evita hahalok komunidade ne’ebe sempre hakarak estraga sasan ba interese ema barak nian no violensia domestika, iha dia 07 de Maio de 2010 komunidade tomak husi Suku Bidau Santana halo Lansamento Tara Bandu tuir lisan tradisional.

“Hodi prevene hahalok a’at iha sira nia let hanesan Violensia Domestika, Sunu Rai, Tesi Ai no  Naok Ten”, dehan Xefe Suku Bidau Santana, Fransisco de Assis Freitas iha Tara Bandu Fatin.

Xefi Suku ne’e dehan nudar lider komunitaria koko atu halo programa ne’ebe positivu hodi evita hahalok komunidade sira ne’ebe sempre halo konflitu iha suku laran.

Tuir nia dehan programa tara bandu ne’e iha konsensu hamutuk atu evita violensia domestika no hamenus konflitu liu husi implementasaun tardisional nian.

“Ami  konsedera Tara Bandu hanesan Lutu hodi prevene ema ida-idak nia hahalok sira hanesan Violensia Domestika, Naok Ten, Sunu Rai no seluk tan”, tenik Francisco.

Presidente RDTL Dr. Ramos Horta, Ambassador USA Hans Klemm. Tur Hamutuk iha Biti Bo'ot ho Leader Comunitaria Bidau Santa-Ana. iha Ceremonia Tara Bandu 7 de Maio de 2010

Xefi Aldeia Toko Baru I, Judit do Rosario Sarmento hateten tara bandu hanesan meius ida atu salva feto sira ne’ebe sempre sai vitima iha familia uma laran tanba hetan tortura husi laen.

“Tuir hau nia hare’e  konaba tara bandu ida ne’e atu nune Joven Mane sira bele respeito Feto kuando wain hira lao iha dalan no la halo provokatori arbiru ba Feto sira” tenik Judit.

Jose Morais nu’udar lia nain mos konkorda ho lisan tara bandu ne’e tanba bele prevene hahalok a’at iha suku laran.

“Tuir hau nia hare’e lansamentu tara bandu ida ne’e atu prevene hahalok a’at sira liu-liu iha Suku Bidau Santana nia laran”, dehan lia nain ne’e.

Tara bandu ne’ebe lansa direitamente husi Prezidenti Republika Jose Ramos Horta ne’e hetan partisipa maximu husi komunidade, autoridade lokal no parte siguransa sira.

(Lalenok Bidau Santa-Ana : Dedi da Silva)